असोजभित्र पुराना बैंक खातामा राष्ट्रिय परिचयपत्र अपडेट नगरे कारोबारमा अवरोध हुनसक्ने

काठमाडौं । आगामी असोजभित्र पुराना बैंक खातामा राष्ट्रिय परिचयपत्र वा राष्ट्रिय परिचयपत्र नम्बर अपडेट नगराए प्राविधिक कठिनाइ आउन सक्ने भएको छ । नियामक निकाय नेपाल राष्ट्र बैंकले बैंक तथा वित्तीय संस्थाहरूलाई जारी गरेको एकीकृत निर्देशन र संशोधित व्यवस्था अनुसार २०८३ असोज मसान्तभित्र पुराना खाताहरूमा अनिवार्य रूपमा राष्ट्रिय परिचयपत्रको विवरण अपडेट गर्नुपर्नेछ ।

राष्ट्र बैंकका प्रवक्ता गुरुप्रसाद पौडेलले तोकिएको समयसीमाभित्र बैंक खातामा राष्ट्रिय परिचयपत्रको विवरण अपडेट नगरे कारोबारमा असहज हुन सक्ने संकेत गरेका छन् । “असोज मसान्तपछि एनआईडी अद्यावधिक नभएका खाताहरूबाट सहजै कारोबार गर्न नसकिने अवस्था आउन सक्छ,” उनले भने ।