स्थल नाकाबाट ओसारपसार हुने व्यक्तिगत सामानको भन्सार छुट सीमा पाँच गुणाले वृद्धि

काठमाडौँ - सरकारले स्थल सीमा नाकामार्फत आवतजावत गर्ने यात्रुले साथमा ल्याउन वा लैजान पाउने व्यक्तिगत प्रयोजनका वस्तुको भन्सार छुट सीमा वृद्धि गरेको छ।

अर्थ मन्त्रालयले सार्वजनिक गरेको नयाँ व्यवस्थाअनुसार अब स्थल नाकाबाट आउने-जाने व्यक्तिले ५०० रुपैयाँसम्म मूल्यका व्यक्तिगत प्रयोगका सामान साथमा ल्याए वा लगेमा भन्सार महसुल नलाग्ने व्यवस्था गरिएको छ। यसअघि यस्तो छुटको सीमा १०० रुपैयाँ कायम गरिएको थियो।