नेपाल टेलिकमको फोरजी सेवा मुगुको सोरुकोट र बाजुराका दुई विकट क्षेत्रमा विस्तार

काठमाडौँ / नेपाल टेलिकमले मुगु र बाजुराका अति दुर्गम क्षेत्रमा फोरजी सेवा विस्तार गरेको छ। कम्पनीले मुगु जिल्लाको सोरु गाउँपालिका–६ सोरुकोट तथा बाजुरा जिल्लाको हिमाली गाउँपालिका–१ बिच्छ्याको नेटा र वडा नम्बर–५ कुवाडी क्षेत्रमा फोरजी सेवा सञ्चालनमा ल्याएको जनाएको छ।

सोरुकोटमा आयोजित सेवा शुभारम्भ कार्यक्रममा स्थानीय जनप्रतिनिधि, सरकारी निकायका प्रतिनिधि, नेपाल टेलिकमका प्राविधिक कर्मचारी तथा स्थानीयवासीको सहभागिता रहेको थियो।