मनसुनी ‘रेड अलर्ट’पछि काठमाण्डुका सीडीओको अत्यन्त जरुरी सूचना !

काठमाण्डु – जिल्ला प्रशासन कार्यालय काठमाण्डुले मनसुनी वर्षाका कारण बाढी र पहिरोको जोखिम बढेकाले सडकमार्गबाट काठमाण्डु भित्रिने तथा बाहिरिने यात्रुले विशेष सावधानी अपनाउन आग्रह गरेको छ ।

प्रमुख जिल्ला अधिकारी (सीडीओ) ईश्वरराज पौडेलद्वारा जारी अत्यावश्यक यात्रा सचेतना सूचनामा जल तथा मौसम विज्ञान विभागले केही क्षेत्रमा भारी वर्षाको ‘रेड अलर्ट’ जारी गरेको सन्दर्भमा काठमाण्डु उपत्यकाका उत्तर, दक्षिण, पूर्व र पश्चिमतर्फका सबै प्रवेश तथा बाहिरिने नाकाबाट यात्रा गर्ने सार्वजनिक र निजी सवारीसाधनका चालक, सहचालक, सवारीधनी तथा यात्रुलाई उच्च सतर्कता अपनाउन अनुरोध गरिएको छ ।