किरात मन्दिरमा चोरी गर्ने ३ जना पक्राउ

विराटनगर । मोरङको कानेपोखरीस्थित एक मन्दिरबाट चोरी गरेको आरोपमा प्रहरीले तीन जनालाई पक्राउ गरेको छ । कानेपोखरी गाउँपालिका वडा नम्बर ५ स्थित सावायेहाङ किरात महिम मन्दिरमा चोरी गरेको अभियोगमा उनीहरूलाई पक्राउ गरिएको जिल्ला प्रहरी कार्यालय मोरङले जनाएको छ ।

पक्राउ पर्नेहरूमा मोरङको उर्लाबारी नगरपालिका वडा नं ७ बस्ने ३१ वर्षीय दिवश दर्जी, २६ वर्षीय विवेक विश्वकर्मा र १८ वर्षीय अर्जुन दर्जी रहेका छन् । प्रहरीका अनुसार साउन १ गते राति ११ बजेको समयमा कानेपोखरी चोकमा अस्थायी प्रहरी चौकी कानेपोखरीबाट खटिएको टोलीले चेकिङ गर्ने क्रममा उनीहरू पक्राउ परेका हुन् ।