पोखरा चल्ने बसमा सवार महिलाको पर्स चोरी गर्ने ३ जना पक्राउ

रूपा गाउँपालिकाबाट पोखरातर्फ आउँदै गरेको सार्वजनिक बसमा सवार एक महिलाको पर्स चोरी गरेको अभियोगमा कास्की प्रहरीले तीन जनालाई पक्राउ गरेको छ।

वडा प्रहरी कार्यालय रामबजारबाट खटिएको प्रहरी टोलीले चोरीमा संलग्न उनीहरूलाई पक्राउ गरेको हो। पक्राउ पर्नेहरूमा रौतहट घर भएका ४२ वर्षीय गुरू प्रसाद बजगाई, पोखरा महानगरपालिका–९ शान्तिवन बस्ने ३४ वर्षीय रविन खड्का र पोखरा महानगरपालिका–६ खहरे बस्ने ४५ वर्षीय ‘सुर्य’ भन्ने टेक बहादुर भुजेल रहेका छन्। खड्काको स्थायी घर रौतहट र भुजेलको झापा हो।