एनएमबि बैंकका ग्राहकले नागरिक एपमार्फत अनलाइन बैंकिङ फाराम भर्न सक्ने

काठमाडौं । डिजिटल बैंकिङ सेवालाई सुरक्षित, सरल र छिटो बनाउने उद्देश्यका साथ एनएमबि बैंकले नेपाल सरकारको सूचना प्रविधि विभागसँग समझदारी गरेको छ । यो सहकार्यसँगै अब एनएमबि बैंकका ग्राहकले नागरिक एपमार्फत सुरक्षित र अनुमतिमा आधारित डेटा आदानप्रदान गर्न सक्ने भएका छन् ।

यस प्रविधिको प्रयोगपछि बैंकका ग्राहकले अनलाइन बैंकिङका विभिन्न फारामहरू भर्दा आफ्नो प्रमाणित व्यक्तिगत विवरणहरू नागरिक एपबाट सिधै अटो-फिल (स्वतः भरिने) गर्न सक्नेछन् ।