बागमती कप टी–२० : ललितपुरको दोस्रो जित, नुवाकोट ३० रनले पराजित

हेटौँडा । हेटौँडा–६ स्थित गौरिटार अन्तर्राष्ट्रिय क्रिकेट मैदानमा जारी बागमती कप टी–२० क्रिकेट प्रतियोगिताको बुधबार भएको छैटौँ खेलमा ललितपुरले नुवाकोटलाई ३० रनले हराएको छ।

टस जितेर पहिले ब्याटिङ गरेको ललितपुरले निर्धारित २० ओभरमा ६ विकेट गुमाउँदै १७८ रनको बलियो योगफल तयार गरेको थियो । ललितपुरका लागि सचिन लेखकले सर्वाधिक ५७ रनको अर्धशतकीय पारी खेले । उनले ३९ बलको सामना गर्दै ५७ रन बनाएका हुन् ।