म्याग्दीको विकासमा सघाउने मन्त्री पुनको प्रतिबद्धता

विज्ञान, प्रविधि तथा नवप्रवर्तनमन्त्री महावीर पुनले म्याग्दीको बेनी–दरबाङ सडकअन्तर्गत फापरखेतको पहिरो नियन्त्रणका लागि सक्दो पहल गर्ने प्रतिबद्धता जनाएका छन्।

शनिबार आफ्नो निर्वाचन क्षेत्र पुगेका मन्त्री पुनले सडकको निरीक्षणपछि चालु आर्थिक वर्षमा पहिरो नियन्त्रणका लागि संघीय सरकारबाट चार करोड रुपैयाँ विनियोजन भइसकेको उल्लेख गर्दै एक वर्षभित्र समस्या समाधान हुनेमा विश्वास व्यक्त गरे।