बेलायतको क्रिकेटमा उदाइरहेका नेपाली किशोर

२० जेठ, लन्डन । बेलायतको नेपाली डायस्पोरामा दोस्रो पुस्ता उदाउँदो क्रममा छ । पहिलो पुस्ता नयाँ परिवेशमा अवसर खोज्दै अलमलिए पनि नयाँ पुस्ता भने स्वास्थ्य, खेल वा व्यवसायतिर प्रगति उन्मुख छ ।त्यसको एउटा उदाहरण हुन्, आर्यन ढुंगाना । अहिले मिडलसेक्स काउन्टी क्रिकेट यू १३ टोलीबाट खेल्छन्, आर्यन । उनी काउन्टीबाट खेल्ने एक मात्र नेपाली मूलका खेलाडी हुन् । अन्डर १० मै उनले काउन्टीमा खेलेका थिए ।

उनले ८ वर्षको उमेरमै इलिङ क्रिकेट क्लबमा क्रिकेट खेल्न थाले र छिट्टै आफूलाई एक प्रतिभाशाली युवा क्रिकेटरका रूपमा स्थापित गरे ।