विद्युत् खपत बढाउन पूर्वाधार विस्तारमा सरकारको जोड

सरकारले विद्युत् खपत बढाउन नीतिगत तथा प्राविधिक तयारीलाई तीव्र बनाउँदै विद्युतीय पूर्वाधार विस्तार र स्तरोन्नतिलाई उच्च प्राथमिकतामा राखेको जनाएको छ।

ऊर्जा, जलस्रोत तथा सिँचाइमन्त्री विराजभक्त श्रेष्ठका अनुसार चालु आर्थिक वर्षको नीति तथा कार्यक्रम र बजेटमा विद्युत् खपत वृद्धि गर्ने उद्देश्यसहित प्रसारण तथा वितरण पूर्वाधार विस्तारलाई विशेष प्राथमिकता दिइएको छ।