कर्णालीको नीति तथा कार्यक्रम प्रस्तुत, स्वास्थ्य क्षेत्रमा व्यापक सुधारको घोषणा

काठमाडौं- कर्णाली प्रदेश सरकारले आगामी आर्थिक वर्ष २०८३/०८४ का लागि नीति तथा कार्यक्रम प्रस्तुत गरेको छ। प्रदेश प्रमुख यज्ञराज जोशीको उपस्थितिमा मुख्यमन्त्री यामलाल कँडेलले बुधबार प्रदेशसभा बैठकमा नीति तथा कार्यक्रम सार्वजनिक गरेका हुन्।

नीति तथा कार्यक्रममा स्वास्थ्य क्षेत्रलाई विशेष प्राथमिकता दिँदै संरचनागत सुधार, सेवा विस्तार र रोग नियन्त्रणका विभिन्न कार्यक्रम समेटिएका छन्।