नयाँ दल गठन गर्न धवलशमशेरले गरे राजसंस्था पक्षधर जेनजीसँग छलफल

२० जेठ, काठमाडौं । नयाँ दल गठनको तयारीमा रहेका राष्ट्रिय प्रजातन्त्र पार्टी (राप्रपा) का नेता डा. धवलशमशेर राणाले ‘राष्ट्रवादी शक्ति’ निर्माणका लागि जेनजी उमेर समूहसँग छलफल गरेका छन् ।

नयाँ दल गठन गर्नका लागि विभिन्न पक्षसँग छलफल सुरु गरेका राणाले बुधबार ‘जेनजी एलायन्स फर मोनार्की’ मा आबद्ध युवाहरूसँग छलफल गरेका हुन् । राजसंस्थावादी शक्तिहरू एकत्रित गरेर नयाँ दल गठन गर्नेगरी राणाले राप्रपा परित्याग गरिसकेका छन् ।