‘घरमा भएको कुकुरसँग होइन, घरधनीसँग डर लागेको छ’

काठमाडौँ । ‘सरकार कोठा खाली छ ?’ भन्दै दीपा नेपाली सत्याग्रहमा छिन् । विगत डेढ महिनादेखि काठमाडौँको माइतीघर मण्डलामा बसेर उनी सहरमा भइरहेको अमानवीय व्यवहार र अत्याचारको विरोध गरिरहेकी छन् ।

रातोपाटीमा अन्तर्वार्ताका क्रममा सामाजिक अभियन्ता दीपाले यो आन्दोलन दलित समुदायको मात्र नभई सम्पूर्ण नेपालीको अमानवीय अभ्यासविरुद्ध भएको बताइन् । विडम्बना, सरकारले उनको आवाज सुनिरहेको छैन । डेढ महिना बितिसक्दा उनको माग सुनुवाइ गर्न सरकारले तत्परता देखाएको छैन ।