कर्णाली सरकारको नीति तथा कार्यक्रमबारे विपक्षी दलको टिप्पणीः अल्छी मानेर लेखिएको गन्तव्यविहीन दस्तावेज

सुर्खेत । कर्णाली प्रदेश सरकारले बुधबार आगामी आर्थिक वर्ष (२०८३/०८४)को नीति तथा कार्यक्रम सार्वजनिक गरेको छ । प्रदेश प्रमुख यज्ञराज जोशी अस्वस्थ बनेपछि प्रदेश सभामा मुख्यमन्त्री यामलाल कँडेल आफैँले प्रदेश सरकारको वार्षिक नीति तथा कार्यक्रम वाचन गरेका थिए ।

आगामी आर्थिक वर्षका लागि ल्याएको नयाँ नीति कार्यक्रममा विगतकै अधिकांश कार्यक्रमलाई निरन्तरता दिइएको छ । बेरुजुमा शून्य अभियान, डिजिटल कन्टेन्ट सिर्जनामा सक्रिय युवा पुस्ताको क्षमता अभिवृद्धि गर्दै मिथ्या र भ्रामक सूचना न्यूनीकरण गर्न युवा परिलक्षित कार्यक्रम नयाँ हुन् ।