झापामा एक वर्षमा पाँच करोडको अवैध सामान बरामद

जिल्ला प्रहरी कार्यालय झापाले आर्थिक वर्ष २०८२/८३ मा पाँच करोड रुपैयाँभन्दा बढी मूल्यका अवैध सामान बरामद गर्दै तस्करी तथा अवैध ओसारपसार नियन्त्रणमा उल्लेख्य सफलता हासिल गरेको जनाएको छ।

प्रहरीले सार्वजनिक गरेको वार्षिक प्रगति विवरणअनुसार गत आर्थिक वर्षमा जिल्लाका विभिन्न नाकाबाट भन्सार छली गरी ल्याइँदै गरेका पाँच करोड नौ लाख नौ हजार ३२१ रुपैयाँ बराबरका अवैध सामान बरामद गरिएको हो।