७३ वर्षको प्रतीक्षापछि हातमा नागरिकता, अनुहारमा मुस्कान

बुटवल ।

सुन्दा पनि अचम लाग्ने तर व्यवहारमा देखिएपछि मान्नैपर्ने घटना बुटवलमा सार्वजनिक भएको छ । सात दशकसम्म नागरिकताविहीन भएर बसेकी बुटवलकी शकुन्तलादेवी सिंहले ७३ वर्षमा बल्ल नेपाली नागरिकताको प्रमाणपत्र पाउनुभएको छ । वर्षौँदेखि बुटवल उपमहानगरपालिका–९ मा बसोबास गर्दै आउनुभएकी शकुन्तला नागरिकताविहीन रहेको थाहा पाएपछि स्थानीय समाजसेवी तथा तिनाउ टोल विकास संस्थाकी अध्यक्षसमेत रहनुभएकी रुपा भण्डारीको करिब साढे तीन महिना लामो मेहनत र सहयोगमा उहाँले नागरिकता प्राप्त गर्नुभएको हो ।