संघीय संसद्का दुई समितिको बैठक आज

काठमाडौँ । संघीय संसद्अन्तर्गत आज दुई वटा महत्वपूर्ण संसदीय समितिको बैठक बस्दैछ। आज अर्थ समिति र कानून, न्याय तथा मानव अधिकार समितिको बैठक बस्न लागेको हो।

संसद् सचिवालयका अनुसार अर्थ समितिको बैठक बिहान ९:३० बजे सुरु भएको छ। उक्त बैठकमा 'नेपाल राष्ट्र बैंक ऐन, २०५८ लाई संशोधन गर्न बनेको विधेयक' का सम्बन्धमा सरोकारवाला संघसंस्थाहरूसँग विस्तृत छलफल गर्ने कार्यसूची रहेको छ।