अब प्रत्येक पीपीए आयोजनाको 'रिपोर्ट कार्ड' तयार हुने, ऊर्जा मन्त्रालयले लागू गर्‍यो नयाँ व्यवस्था

ऊर्जा, जलस्रोत तथा सिंचाइ मन्त्रालयले विद्युत् खरिद–बिक्री सम्झौता (पीपीए) सम्पन्न भइसकेका तर निर्माण सम्पन्न भएर पनि अझै सञ्चालनमा आउन नसकेका जलविद्युत् आयोजनाको अनुगमन तथा मूल्याङ्कनलाई व्यवस्थित बनाउन नयाँ वर्गीकरण मापदण्ड लागू गरेको छ।

ऊर्जा मन्त्री बिराज भक्त श्रेष्ठले सार्वजनिक गरेको जानकारीअनुसार अब यस्ता आयोजनालाई वास्तविक निर्माण प्रगति, आरसीओडी (Required Commercial Operation Date–RCOD) को अवस्था तथा पीपीए अन्तर्गतका दायित्वको पालना लगायतका आधारमा Category A, B, C र D गरी चार वर्गमा वर्गीकरण गरिनेछ।