स्थानीय तहको रिक्त पदमा उपनिर्वाचन नगर्ने मुडमा आयोग, यस्तो छ कारण

काठमाडौं । देशभरका स्थानीय तह, प्रदेश सभा र राष्ट्रिय सभामा गरी हाल ९६ वटा निर्वाचित पद रिक्त रहेका छन्। तीमध्ये स्थानीय तहका ७५ पदमा भने अब उपनिर्वाचन नहुने भएको छ। कानुनी व्यवस्थाअनुसार कार्यकाल एक वर्षभन्दा कम बाँकी रहेकाले ती पद आगामी स्थानीय तहको निर्वाचनसम्म रिक्त रहने भएका हुन् ।

निर्वाचन आयोगका आयुक्त सगुनशमशेर जबराका अनुसार स्थानीय तहमा रिक्त भएका पदमा समयमै उपनिर्वाचन हुन नसक्नुका पछाडि सरकार र आयोग दुवैको प्राथमिकता प्रतिनिधिसभा निर्वाचनमा केन्द्रित हुनु मुख्य कारण थियो । त्यसपछि नयाँ सरकार गठन हुँदा स्थानीय तहका जनप्रतिनिधिको कार्यकाल एक वर्षभन्दा कम बाँकी रहिसकेकाले ऐनअनुसार उपनिर्वाचन गराउन मिल्ने अवस्था नरहेको उनको भनाइ छ ।