जलविरेमा तीनवटा सवारी ठोक्किदा अवरुद्ध नारायणगढ–मुग्लिन सडक पुनः सञ्चालनमा

चितवन । सुरक्षा संवेदनशीलताका कारण रातभर बन्द गरिएको नारायणगढ–मुग्लिन सडकखण्ड आज बिहान सञ्चालनमा आए पनि जलविरेमा भएको दुर्घटनापछि केही समय अवरुद्ध भएको थियो।

जिल्ला प्रशासन कार्यालय चितवनले शनिबार बिहान १० बजेदेखि यस सडकखण्डमा सबै प्रकारका सवारीसाधन सञ्चालनमा रोक लगाएको थियो। आज बिहान ७:१५ बजेदेखि सडक खुला गरिएलगत्तै जलविरे क्षेत्रमा तीनवटा सवारीसाधन एकआपसमा ठोक्किँदा यातायात प्रभावित भएको हो।