अवरुद्ध टेलिफोन सेवा खुलाउन एनटीसी र एनसेल सक्रिय, ८७ टावरले अझै काम गरेनन्

११ भदौ, काठमाडौं । भोटेकोशीमा बुधबार आएको बाढीका कारण रसुवा, नुवाकोट र धादिङ जिल्लाका विभिन्न स्थानमा फोन र इन्टरनेट सेवा अवरुद्ध भएको छ । नेपाल टेलिकम (एनटीसी) र एनसेलका कुल ८७ वटा टावरले काम नगर्दा सेवा प्रभावित भएको हो । ती जिल्लामा नेपाल टेलिकमका ६० वटा टावरले काम गरेका छैनन् । त्यसैगरी एनसेलका २७ वटा टावर बाढीका कारण प्रभावित भएका छन् ।

जसले गर्दा रसुवा, नुवाकोट र धादिङ जिल्लाका केही स्थानमा टेलिफोन तथा इन्टरनेट सेवा अवरुद्ध भएको छ । यी जिल्लाका विभिन्न क्षेत्रमा टेलिकमका टावरहहरूमा बाढीले क्षति पुर्याएको र विद्युत् आपूर्ति समेत अरुद्ध भएपछि टेलिफोनसँगै इन्टरनेट सेवा पनि प्रभावित भएको छ ।