गत आर्थिक वर्षमा ५८ अर्बभन्दा बढीको वैदेशिक लगानी स्वीकृत

काठमाडौँ । आर्थिक वर्ष २०८२/८३ मा नेपालमा प्रत्यक्ष वैदेशिक लगानी (एफडीआई) तर्फ उत्साहजनक आकर्षण देखिएको छ। उद्योग विभागका अनुसार गत आर्थिक वर्षमा कुल ५८ अर्ब १ करोड ८५ लाख ३०५ रुपैयाँ बराबरको प्रत्यक्ष वैदेशिक लगानी प्रतिबद्धता स्वीकृत भएको छ। उक्त अवधिमा स्वचालित (अटोमेटिक) र स्वीकृत (अप्रुभ्ड) मार्ग गरी कुल १ हजार ११६ वटा परियोजनाका लागि लगानी भित्रिएको हो।

विभागको तथ्याङ्क अनुसार स्वचालित मार्ग (अटोमेटिक रुट) बाट ८९७ वटा परियोजनाका लागि ९ अर्ब ५८ करोड रुपैयाँ बराबरको लगानी प्रतिबद्धता आएको छ। यस्तै, स्वीकृत मार्ग (अप्रुभ्ड रुट) मार्फत २१९ वटा परियोजनाका लागि ४८ अर्ब ४१ करोड ६६ लाख ३ हजार २५ रुपैयाँ बराबरको लगानी प्रतिबद्धता स्वीकृत भएको छ।