विवादित भिडियोबारे शाहीको स्पष्टीकरण : मैले विदेशमा रहेका सबै नेपालीलाई कुरा बुझ्दैनन् भनेको होइन

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले विदेशमा रहेका नेपालीप्रति लक्षित गरी दिएको भनिएको अभिव्यक्तिको विषयमा स्पष्टीकरण दिएका छन्।

जापान भ्रमणमा रहेका बेला आफूमाथि आक्रमणको प्रयास भएको भन्दै एक व्यक्तिले भिडियो सार्वजनिक गरेपछि शाहीले सामाजिक सञ्जालमार्फत आक्रोश पोखेका थिए। त्यसक्रममा उनले प्रयोग गरेका शब्दहरूले विदेशमा रहेका नेपालीप्रति लक्षित गरेको भन्दै आलोचना भएपछि उनले पुनः स्पष्ट पारेका हुन्।