अन्नपूर्ण क्षेत्रमा विदेशी पर्यटकको नयाँ कीर्तिमान, पाँच लाखभन्दा बढीले गरे भ्रमण

गण्डकी । अन्नपूर्ण संरक्षण क्षेत्रमा विदेशी पर्यटकको आगमनले नयाँ कीर्तिमान कायम गरेको छ। आर्थिक वर्ष २०८२/८३ मा पाँच लाखभन्दा बढी विदेशी पर्यटकले यस क्षेत्रको भ्रमण गरेका छन्, जुन अघिल्लो वर्षको तुलनामा उल्लेखनीय वृद्धि हो।

अन्नपूर्ण संरक्षण क्षेत्र आयोजनाका अनुसार गत आर्थिक वर्षमा कुल पाँच लाख आठ हजार ४७६ विदेशी पर्यटकले अन्नपूर्ण क्षेत्रको भ्रमण गरेका छन्। आर्थिक वर्ष २०८१/८२ मा भने दुई लाख ७८ हजार ११३ विदेशी पर्यटक मात्र यस क्षेत्रमा पुगेका थिए।