इरानमा ५ म्याग्निच्युडको भूकम्प : आपतकालीन सतर्कता जारी

आइतबार बिहान इरानको दक्षिणपश्चिमी खुजेस्तान प्रान्तमा ५.० म्याग्निच्युडको भूकम्प गएको छ। त्यसपछि प्रान्तीय प्रशासनले आपतकालीन सतर्कता जारी गर्दै उद्धार तथा राहत निकायहरूलाई सक्रिय बनाएको छ।

खुजेस्तानका गभर्नर सैयद मोहम्मद रेजा मौलैजादेहले प्रभावित क्षेत्रहरूमा टोली पठाइएको र अवस्थाको निरन्तर मूल्याङ्कन भइरहेको बताए। आईआरआईबीका अनुसार भूकम्प लगभग १२ किलोमिटर गहिराइमा गएको थियो।