अलपत्र जलविद्युत् आयोजना अब ४ समूहमा, आरसीओडी म्याद थप्ने तयारी

काठमाडौं- विद्युत् खरिद–बिक्री सम्झौता (पीपीए) भइसकेका तर अझै व्यावसायिक उत्पादन प्रारम्भ गर्न नसकेका जलविद्युत् आयोजनाको व्यावसायिक उत्पादन प्रारम्भ गर्ने अन्तिम मिति (आरसीओडी) थप गर्ने तयारी गरिएको छ ।

नेपाल विद्युत् प्राधिकरणले निर्माणको अवस्था, पीपीएमा उल्लेखित दायित्व पूरा गरेको अवस्था र भौतिक प्रगतिका आधारमा आयोजनालाई चार समूहमा वर्गीकरण गरी आरसीओडी व्यवस्थापन गर्ने तयारी गरेको हो । असार ३२ गते बसेको प्राधिकरण सञ्चालक समितिको बैठकले पीपीए भएका तर सञ्चालनमा आउन नसकेका आयोजनालाई ‘क’, ‘ख’, ‘ग’ र ‘घ’ समूहमा वर्गीकरण गर्ने निर्णय गरेको छ ।