‘बाध्यकारी श्रम’को आरोपमा बेलायत र क्यानडासहित ६० व्यापार साझेदारमाथि भन्सार शुल्क लगाउने ट्रम्पको चेतावनी

अमेरिकी राष्ट्रपति डोनाल्ड ट्रम्पले बेलायत, युरोपेली संघ (ईयू) र अस्ट्रेलियासहित ६० व्यापारिक साझेदार देश तथा क्षेत्रमाथि १० प्रतिशतदेखि १२.५ प्रतिशतसम्म भन्सार शुल्क (ट्यारिफ) लगाउने चेतावनी दिएका छन् । बाध्यकारी श्रम रोक्न असफल भएको आरोप लगाउँदै उनले आफ्नो प्रमुख व्यापार नीतिलाई पुनर्जीवित गर्ने पछिल्लो प्रयासस्वरूप यो कदम अघि सारेका हुन् ।

यसको जवाफमा ईयूले तत्काल प्रतिक्रिया दिँदै अमेरिकाले गत जुलाईमा भएको ट्यारिफ सम्झौताको सम्मान गर्नुपर्ने बताएको छ । ईयूले अप्रत्यक्ष रूपमा थप लगाइने शुल्कहरू उक्त सम्झौताको मर्मविपरीत हुने तर्क गरेको छ ।