खल्तीमा रहेको मोबाइल फोन विस्फोट हुँदा गुप्ताङ्ग जलेपछि...

भोपाल । भारतको मध्यप्रदेशस्थित पांढुर्णा जिल्लामा एक युवके पाइन्टको खल्तीमा रहेको मोबाइल फोन अचानक विस्फोट हुँदा गम्भीर घाइते भएका छन् । विस्फोटपछि पाइन्टमा आगो लाग्दा गुप्ताङ्गसहित शरीरका विभिन्न भाग जलेका छन् । भारतीय सञ्चारमाध्यमहरूका अनुसार घटना हुँदा ती युवक मोटरसाइकल चलाइरहेका थिए ।

मोबाइल फोन पाइन्टको खल्तीमा राखिएको अवस्थामा अचानक विस्फोट भएको थियो । मोबाइल विस्फोटको तीव्रताका कारण पाइन्टमा आगो लाग्यो । त्यसपछि मोटरसाइकल अनियन्त्रित भएर सडकमा पल्टियो र युवक करिब १२ मिटर परसम्म घिस्रिए । स्थानीय बासिन्दाले तत्काल उनलाई उद्धार गरी अस्पताल पुर्‍याएका थिए ।