जलविद्युत् आयोजनाको आरसीओडी थप गर्ने तयारी, चार समूहमा वर्गीकरण गर्दै प्राधिकरण

काठमाडौं– नेपाल विद्युत् प्राधिकरणले विद्युत् खरिद–बिक्री सम्झौता (पीपीए) भइसके पनि विभिन्न कारणले व्यावसायिक उत्पादन सुरु गर्न नसकेका जलविद्युत् आयोजनाको व्यावसायिक उत्पादन सुरु गर्ने अन्तिम मिति (आरसीओडी) थप गर्ने तयारी गरेको छ।

प्राधिकरण सञ्चालक समितिको असार ३२ गते बसेको बैठकले यस्ता आयोजनालाई निर्माणको अवस्था, पीपीएअनुसारका दायित्व पूरा भएको अवस्था तथा भौतिक प्रगतिका आधारमा ‘क’, ‘ख’, ‘ग’ र ‘घ’ गरी चार समूहमा वर्गीकरण गर्ने निर्णय गरेको हो।