बागमतीमा वित्तीय बेथिति: टुक्रे योजनामा बजेट छरियो, अर्बौंका मेसिन गोदाममै सड्दै

मकवानपुर । बागमती प्रदेश सरकारले आर्थिक अनुशासन विपरीत बजेट खर्च गरेको देखिएको छ । महालेखा परीक्षकको आठौँ प्रतिवेदन अनुसार प्रदेश सरकारको अद्यावधिक बेरुजु ५ अर्ब २८ करोड ६ लाख ९४ हजार पुगेको छ ।

बजेटको ठुलो हिस्सा अनुत्पादक क्षेत्रमा खर्च गरेको, प्रदेश सरकारका विभिन्न मन्त्रालयले नियम मिचेर गरेको खर्च र बेवास्ताका कारण उक्त बेरुजु थपिएको प्रतिवेदनमा औँल्याइएको छ ।