वैदेशिक रोजगारीमा जाने घटे, एक वर्षमा ७ लाख ९२ हजार नेपाली विदेशिए

गत आर्थिक वर्ष २०८२/८३ मा ७ लाख ९२ हजार बढी नेपाली वैदेशिक रोजगारीमा गएका छन् । वैदेशिक रोजगार विभागबाट श्रम स्वीकृति लिएर ७ लाख ९२ हजार १ सय ८७ जना वैदेशिक रोजगारीमा गएका हुन् । अघिल्लो आर्थिक वर्ष २०८१/८२ को तुलनामा गत आर्थिक वर्ष विदेशिनेको संख्या ४७ हजार ७९ ले कमी हो । आर्थिक वर्ष २०८१/८२ मा वैदेशिक रोजगारीमा जान विभागबाट ८ लाख ३९ हजार २ सय ६६ जनाले श्रम स्वीकृति लिएका थिए ।

जसमा ६ लाख ९७ हजार ९६ जना पुरूष र ९५ हजार ९१ जना महिला रहेका छन् । म्यानपावर कम्पनीमार्फत २ लाख ६८ हजार ९९० जना विदेशिएका छन् भने १ लाख २८ हजार ५२० जनाले व्यक्तिगत श्रम स्वीकृति लिएर वैदेशिक रोजगारीमा गएका छन्। त्यस्तै, सरकार–सरकार (जी–टु–जी) प्रणालीमार्फत ८ हजार १९७ जना वैदेशिक रोजगारीमा गएका विभागको तथ्यांकमा उल्लेख छ।