एक व्यक्ति जसलाई ४३ पटकसम्म देखियो कोरोना पोजेटिभ, श्रीमतीलाई भने – अब मर्ने औषधि देऊ 

बेलायतमा कोरोना भाइरसको एक यस्तो केश देखियो कि जसको चर्चा विश्वभर भइरहेको छ । इंग्ल्यान्ड, ब्रिस्टलमा बस्ने एक ७२ बर्षिय बृद्धलाई ४३ पटक कोरोना पोजेटिभ देखियो । उनको नाम डेभ स्मिथ हो। बीबीसीको रिपोर्ट अनुसार उनलाई लगातार १० महिना कोभिड पोजेटिभ देखियो ।

कुनै पनि व्यक्तिलाई यति लामो समयसम्म कोरोना संक्रमण देखिएको यो पहिलो केस हो । पेशाबाट अवकाशप्राप्त ड्राइभिङ प्रशिक्षक डेभ स्मिथलाई कोरोनाबाट संक्रमित भएपछि सात चोटि अस्पतालमा भर्ना हुनुपरेको थियो। बीबीसीलाई दिएको एक अन्तर्वार्तामा स्मिथले बताए कि कसरी भाइरस धेरै दिनसम्म लगातार उसको शरीरमा रह्यो।