दक्षिणपन्थीसँग सहकार्य नगर्न वाम एकतालाई झलनाथ खनालको सुझाव

नेपाली कम्युनिष्ट पार्टीका नेता झलनाथ खनालले देश जटिल राजनीतिक, आर्थिक तथा सामाजिक संकटतर्फ उन्मुख भइरहेको भन्दै सम्पूर्ण वामपन्थी शक्तिहरूलाई सही कार्यदिशाका आधारमा एकताबद्ध हुन आग्रह गरेका छन्।

उनले आइतबार एक विज्ञप्ति निकाल्दै प्रधानमन्त्री बालेन्द्र शाहको नेतृत्वमा नयाँ सरकार गठन भएपछि देशका ज्वलन्त समस्याहरू समाधान हुने आम जनतामा आशा रहे पनि त्यसको विपरीत राष्ट्रियता, राष्ट्रिय स्वतन्त्रता, जनजीविका, नागरिक अधिकार, सूचना प्राप्त गर्ने हक, छिमेकी मुलुकसँगको सम्बन्ध तथा राज्यका विभिन्न निकायबीचको समन्वय कमजोर बन्दै गएको बताएका छन्।