विश्वभर फेसबुक र इन्स्टाग्राममा समस्या, हजारौं प्रयोगकर्ता प्रभावित

आइतबार विश्वभरका फेसबुक र इन्स्टाग्राम प्रयोगकर्ताले सामाजिक सञ्जाल चलाउन समस्या भोगेका छन्। आउटेज-ट्र्याकिङ सेवा डाउनडिटेक्टरका अनुसार फेसबुकमा समस्या देखिएपछि हजारौं प्रयोगकर्ताले आफ्नो खातामा पहुँच पाउन सकेनन्।

डाउनडिटेक्टरको तथ्यांक अनुसार प्रयोगकर्ताले फेसबुकको डेस्कटप संस्करण चलाउन नसकेको र मेसेन्जरमार्फत फोटो, भिडियो तथा सन्देश पठाउन पनि समस्या भएको बताएका छन्। लग इन गर्न खोज्दा प्रयोगकर्ताले 'खाता अस्थायी रूपमा उपलब्ध छैन। साइट समस्याका कारण तपाईंको खाता हाल उपलब्ध छैन। हामी यो समस्या चाँडै समाधान हुने आशा गर्छौं। कृपया केही मिनेटमा फेरि प्रयास गर्नुहोस्।' भन्ने सन्देश देखेका छन्।