जसपा नेपालको पुरानो कार्यकारिणी समितिको बैठक सुरु

काठमाडौँ । जनता समाजवादी पार्टी नेपालको पुरानो कार्यकारिणी समितिको बैठक सुरु भएको छ । महन्थ ठाकुर नेतृत्वको लोकतान्त्रिक समाजवादी पार्टी नेपालसँग एकता गर्नुअघि कायम रहेको जसपा नेपालको कार्यकारिणी समितिको बैठक बसेको हो ।

जसपा नेपालको केन्द्रीय कार्यालयमा बसेको बैठकमा लोसपा नेपालसँग भएको एकताको विषयमा छलफल गरिने बताइएको छ । गत पुसमा लोसपा नेपाल र जसपा नेपालबिच एकता भएको थियो । उक्त पार्टीलाई निर्वाचन आयोगले पनि मान्यता दिइसकेको छ । तर पार्टीले पूर्णता पाएको छैन । दुई पार्टीबिच समायोजन, केन्द्रीय समिति गठन लगायतको विषयमा छलफल गर्न बैठक बोलाएको जनाइएको छ ।