आमिर खानको घर बाहिर सुरक्षा कडाइ

बलिउड अभिनेता आमिर खानलाई कथित रूपमा लरेन्स ग्याङबाट ज्यान मार्ने धम्की आएको दाबीपछि मुम्बई प्रहरीले उनको घर बाहिर सुरक्षा व्यवस्था कडा बनाएको छ। शनिबार सामाजिक सञ्जालमा भाइरल भएको एक पोस्ट र भ्वाइस क्लिपको सत्यता पुष्टि गर्न प्रहरीले अनुसन्धान सुरु गरेको छ।

प्रहरीका अनुसार, हालसम्म भाइरल पोस्ट वा अडियो वास्तवमै लरेन्स ग्याङबाट जारी भएको भन्ने कुनै आधिकारिक पुष्टि भएको भने छैन। मुम्बई प्रहरी आयुक्त देवन भारतीले सामाजिक सञ्जालमा फैलिएका सामग्रीको सत्यता जाँच भइरहेको जानकारी दिएका छन्।