इरानविरुद्धको युद्ध रोक्न अमेरिकी तल्लो सदनमा प्रस्ताव पारित

काठमाडौं । अमेरिकी तल्लो सदन ‘हाउस अफ रिप्रिजेन्टेटिभ्स’ले राष्ट्रपति डोनाल्ड ट्रम्पलाई इरानविरुद्ध थप सैन्य कारबाही गर्नबाट रोक्ने उद्देश्यले एउटा प्रस्ताव पारित गरेको छ ।

गत फेब्रुअरीदेखि जारी युद्धप्रति असन्तुष्टि जनाउँदै चार जना रिपब्लिकन सांसदहरूले डेमोक्र्याटहरूलाई साथ दिएपछि उक्त प्रस्ताव २१५/२०८ मतले पारित भएको हो । ट्रम्पको युद्धसम्बन्धी अधिकार सीमित गर्ने तल्लो सदनको यो चौथो प्रयास हो । आलोचकहरूका अनुसार इरानविरुद्धको सैन्य अभियानका लागि अमेरिकी संविधानअनुसार आवश्यक पर्ने कंग्रेसको स्पष्ट स्वीकृति लिइएको छैन