फेसबुक विश्वभर डाउन, डेस्कटप प्रयोगकर्ता बढी प्रभावित

काठमाडौं । सामाजिक सञ्जाल फेसबुक आइतबार दिउँसाे विश्वभर अचानक अवरुद्ध भएको छ । प्राविधिक समस्याका कारण विश्वभरका लाखौँ प्रयोगकर्ताहरूले आफ्नो अकाउन्ट लगइन गर्न र फेसबुकका मुख्य सुविधाहरू प्रयोग गर्न समस्या भोग्नुपरेको छ।

इन्टरनेट सेवाहरूको अवस्था निगरानी गर्ने सङ्गठन ‘डाउनडिटेक्टर’का अनुसार आइतबार बिहान साढे १० बजेपछि फेसबुकमा समस्या आएको भन्दै उजुरी गर्नेहरूको सङ्ख्यामा तीव्र वृद्धि भएको थियो। सामान्य अवस्थामा नगन्य रहने यस्तो गुनासो अचानक बढेर हजारौँ पुगेको तथ्याङ्कले देखाएको छ।