सामसङको नयाँ पोर्टेबल प्रोजेक्टर, जुनसुकै स्थानलाई १०० इन्चसम्मको ठुलो स्क्रिनमा बदल्न सक्ने

काठमाडौं । सामसङले आफ्नो चर्चित पोर्टेबल प्रोजेक्टरको नयाँ संस्करण द फ्रिस्टाइल प्लस सार्वजनिक गरेको छ । कम्पनीले आर्टिफिसियल इन्टेलिजेन्स (एआई) प्रविधि र अत्याधुनिक सेन्सर एकीकृत गर्दै जुनसुकै स्थानलाई क्षणभरमै व्यक्तिगत सिनेमाघरमा परिणत गर्न सक्ने दाबीका साथ यो स्मार्ट प्रोजेक्टर ल्याएको हो ।

यस वर्षको सुरुमा आयोजित सीईएस २०२६ मा पहिलो पटक प्रदर्शन गरिएको यो अत्याधुनिक प्रोजेक्टरको बजार मूल्य १,१९९.९९ अमेरिकी डलर (करिब १ लाख ८५ हजार रुपैयाँ) तोकिएको छ । यो नयाँ प्रोजेक्टर यसअघिको दोस्रो पुस्ताको द फ्रिस्टायलभन्दा थप परिष्कृत र प्रविधियुक्त रहेको छ । जसको मूल्य तत्कालीन समयमा ८०० डलर (अहिले अमेजनमा ७९८ डलर) रहेको थियो ।