जापानको उत्तर–पूर्वी तटनजिक ६.१ म्याग्निच्युडको भूकम्प, सुनामीको चेतावनी जारी भएन

काठमाडौं । जापानको उत्तर–पूर्वी तटनजिक आइतबार बिहान ६.१ म्याग्निच्युडको भूकम्प गएको छ । जापान मौसम विज्ञान एजेन्सीका अनुसार भूकम्पको केन्द्रविन्दु इवाते प्रान्तको तटीय समुद्री क्षेत्रमा रहेको थियो ।

भूकम्प स्थानीय समयअनुसार बिहान ७:२५ बजे गएको हो । यसको केन्द्रविन्दु जमिनको सतहबाट करिब ४० किलोमिटर गहिराइमा रहेको बताइएको छ । भूकम्पको धक्का इवातेसहित आओमोरी र आसपासका क्षेत्रमा समेत महसुस गरिएको थियो ।