कांग्रेसमा युवा सहभागिता अनिवार्य गराउने नीतिसहित पार्टीले काम गर्दैछ : गगन थापा

नेपाली कांग्रेसका सभापति गगनकुमार थापाले पार्टीको संगठनात्मक संरचनामा युवाको सहभागिता सुनिश्चित गर्न नयाँ व्यवस्था लागू गरिएको बताएका छन्। उनले प्रत्येक वडाबाट चयन हुने प्रतिनिधिमध्ये ३० वर्षमुनिका युवाको अनिवार्य प्रतिनिधित्व र प्रत्येक निर्वाचन क्षेत्रबाट ३५ वर्षमुनिका कम्तीमा तीन जना महाधिवेशन प्रतिनिधि रहने व्यवस्था गरिएको जानकारी दिए।

आइतबार ४४औँ बीपी स्मृति दिवसका अवसरमा आयोजित कार्यक्रममा बोल्दै थापाले पार्टीको वैधानिक संरचनामा युवा पुस्तालाई प्राथमिकता दिँदै प्रतिनिधित्व सुनिश्चित गरिएको बताए।