हिजबुल्लाहले आक्रमण रोक्नुपर्ने शर्तमा इजरायल र लेबनान  युद्धविराम कार्यान्वयन गर्न सहमत

एजेन्सी । इरान समर्थित सशस्त्र समूह हिजबुल्लाहले आफ्ना सबै सैन्य आक्रमणहरू पूर्ण रूपमा बन्द गर्ने शर्तमा इजरायल र लेबनान युद्धविराम कार्यान्वयन गर्न सहमत भएका छन्। अमेरिकी विदेश मन्त्रालयले जारी गरेको विज्ञप्तिअनुसार दुवै देश अप्रिलमा भएको युद्धविरामलाई पुनः ब्युँताउँदै कडा रूपमा लागू गर्न तयार भएका हुन्।

दक्षिणी लेबनानमा इजरायली हमलामा ९ जनाको मृत्यु भएको र हिजबुल्लाहले उत्तरी इजरायलमा रकेट प्रहार गरेको केही घण्टाभित्रै यो कूटनीतिक सहमति सार्वजनिक भएको बीबीसीले जनाएको छ।