मोजतबा खामेनी इरानमा नभएको दाबी : कहाँ छन् भन्ने विषयले बढ्यो चर्चा

इरान : इरानका सर्वोच्च नेता मोजतबा खामेनी हाल इरानमै नरहेको दाबी साउदी समाचार च्यानल अल–हदथ ले एक इजरायली सुरक्षा स्रोतलाई उद्धृत गर्दै गरेको छ । उक्त रिपोर्टअनुसार, मोजतबा खामेनीका नामबाट सार्वजनिक हुने सन्देशहरू उनी स्वयंले नभई इस्लामिक रिभोल्युसनरी गार्ड कोप्र्स (आइआरजीसी) का नयाँ प्रमुख अहमद वहिदीले तयार पारिरहेका छन् ।

यद्यपि, यस दाबीको इरान सरकारले कुनै आधिकारिक पुष्टि गरेको छैन । रिपोर्टमा इरानभित्र गहिरो राजनीतिक मतभेद बढ्दै गएको र त्यसले आइआरजीसीको एकता तथा देशको सत्ता संरचनामा चुनौती सिर्जना गर्न सक्ने उल्लेख गरिएको छ । इजरायली स्रोतका अनुसार, यदि इरानले आक्रमण गरे पनि त्यसको प्रतिकारमा इजरायल प्रत्यक्ष रूपमा संलग्न होस् भन्ने अमेरिका चाहँदैन ।