शिक्षक सरुवा विज्ञापनमा कडाइ

सिरहा- शिक्षा तथा मानव स्रोत विकास केन्द्र, शिक्षा विकास तथा समन्वय एकाइ सिरहाले सामुदायिक विद्यालयहरूलाई शिक्षक सरुवासम्बन्धी विज्ञापन गर्दा शिक्षा (दशौं संशोधन) नियमावली, २०८३ मा उल्लेखित व्यवस्था अनिवार्य रूपमा पालना गर्न निर्देशन दिएको छ।

एकाइले शुक्रबार जारी गरेको परिपत्रमा नेपाल सरकारबाट स्वीकृत दरबन्दीमा कार्यरत शिक्षकको सरुवा, अनिवार्य अवकाश, मृत्यु, लामो बिदा वा अन्य कारणबाट पद रिक्त भएमा विद्यालयले सो विवरण शिक्षा विकास तथा समन्वय एकाइमा पठाइ एकीकृत शैक्षिक व्यवस्थापन सूचना प्रणालीमा प्रविष्ट गर्नुपर्ने उल्लेख गरिएको छ। पद रिक्त भएको सात दिनभित्र सम्बन्धित स्थानीय तहलाई समेत लिखित जानकारी गराउनुपर्ने व्यवस्था रहेको छ।