कुलेश्वरमा प्रहरीले गोली चलायो: दुईजना लागूऔषध कारोबारी समातिए, भारतीय घाइते

काठमाडौं- राजधानीको कुलेश्वर क्षेत्र आज दिउँसो एकाएक तनावपूर्ण बनेको छ। लागुऔषध नियन्त्रण ब्यूरोको टोलीले लागुऔषध कारोबारीलाई नियन्त्रणमा लिने क्रममा चलाएको गोली प्रहारबाट एक भारतीय नागरिक घाइते भएका छन्।

​लागुऔषधको ठूलो कारोबार भइरहेको सूचनाका आधारमा सादा पोसाकमा खटिएको ब्यूरोको टोलीले कुलेश्वर पुल नजिकै शंकास्पद व्यक्तिहरूलाई घेरा हालेको थियो। प्रहरी टोलीलाई देखेपछि भाग्ने प्रयास गरेका कारोबारीहरूलाई नियन्त्रणमा लिन इन्स्पेक्टर राकेश यादवको नेतृत्वमा खटिएको टोलीले दुई राउण्ड गोली चलाएको थियो।