काठमाडौंको कुलेश्वरमा प्रहरीले किन चलायो गोली ?

काठमाडौं । काठमाडौंको कुलेश्वरमा आइतबार दिउँसो प्रहरीले गोली चलाएर लागुऔषध कारोबारीलाई नियन्त्रणमा लिएको छ । लागुऔषध नियन्त्रण ब्युरोको टोलीले चलाएको दुई राउन्ड गोली लागेर एक जना भारतीय नागरिक घाइते भएका छन्।

लागुऔषधको ठूलो कारोबार भइरहेको सूचनाका आधारमा ब्युरोबाट इन्स्पेक्टर राकेश यादवको नेतृत्वमा खटिएको टोलीले कुलेश्वरको पुल नजिकै पुग्दा कारोबारीलाई नियन्त्रणमा लिन गोली चलाएको हो। ब्युरोका अनुसार, प्रहरीले दुई राउन्ड गोली चलाएको थियो । गोली लागेर घाइते भएका भारतीय नागरिकको देब्रे खुट्टामा चोट लागेको छ र उनको उपचार भइरहेको छ ।