टेकुमा प्रहरीको गोली चल्यो, लागुऔषध अपरेसनमा भारतीय नागरिक घाइते

काठमाडौं- काठमाडौंको टेकु क्षेत्रमा आइतवार लागुऔषध नियन्त्रणका क्रममा प्रहरी र शंकास्पद व्यक्तिबीच भएको घटनामा गोली चल्दा एक भारतीय नागरिक घाइते भएका छन् ।

घटना काठमाडौं महानगरपालिकाको फोहरमैला संकलन केन्द्र नजिक भएको हो । प्रहरीको लागुऔषध नियन्त्रण ब्यूरोका अनुसार उक्त क्षेत्रमा लागुऔषध कारोबार भइरहेको गोप्य सूचनाका आधारमा प्रहरी टोली परिचालन गरिएको थियो ।