भारत सरकारले दिएको मल तत्काल ल्याउन माग

परासी : धान लगाउने समयमा किसानलाई मल उपलब्ध गराउन चासो नदिइएको भन्दै भारत सरकारले उपलब्ध गराएको मल तत्काल ल्याएर वितरण गर्न नेपाल सरकारसँग माग गरिएको छ।

रासायनिक मलको सहज, पर्याप्त तथा समयमै उपलब्धताको व्यवस्था गर्ने माग गर्दै लुम्बिनी प्रदेश सांसद बैजनाथ जयसवालले नवलपरासीका प्रमुख जिल्ला अधिकारीमार्फत प्रधानमन्त्रीलाई पठाइएको ज्ञापनपत्रमा नेपाल सरकारले मल ल्याउन उदासीन देखाएको आरोप लगाएका छन्।