बाढीमा विदेशीको उद्धार तथा खोजी गर्न परराष्ट्रले बनायो आपतकालीन टोली

रसुवामा आएको भोटेकोशीको आकस्मिक बाढीबाट ठूलो जनधन तथा भौतिक संरचनामा क्षति पुगेको र विदेशी नागरिकसमेत बेपत्ता भएको विवरण प्राप्त भएपछि परराष्ट्र मन्त्रालयले विदेशी नागरिकको खोजी, उद्धार तथा कन्सुलर सहयोगका लागि आपत्कालीन प्रतिकार्य टोली (इमर्जेन्सी रेस्पोन्स टिम–ईआरटी) गठन गरेको छ।

मन्त्रालयले बिहीबार सूचना जारी गर्दै तत्काल प्रभावबाट गठन गरिएको ईआरटीले बाढीबाट प्रभावित, बेपत्ता वा घटनासँग सम्बन्धित विदेशी नागरिकको खोज तथा उद्धार, सूचनाको प्रमाणीकरण तथा कन्सुलर सहयोगका लागि मन्त्रालयभित्र केन्द्रीय समन्वयकारी निकायका रूपमा काम गर्ने जनाएको छ।